په ژوندی پڼه خپرونه
    افغانستان ويسټ انډيز ته ماته وركړه

    افغانستان ويسټ انډيز ته ماته وركړه

    © AP Photo/ Tsering Topgyal
    افغانستان
    لنډه بریښنا پته ترلاسه کړی
    0 28 0 0

    د افغانستان او ويسټ انډيز د کرکټ ملي لوبډلو ترمنځ د درېيو نړيوالو يو ورځنيو سياليو د لړۍ لومړۍ لوبه د افغان کرکټ ملي لوبډلې په بريا پاى ته ورسېده.

    د دې لوبې پچه، چې په ويسټ انډيز كې ترسره شوه، افغان لوبډلمشر وګټله او د توپوهنې پرېكړه يې وكړه.
    د كركټ ملي لوبډلې د سيالۍ د ټولو اورونو په لوبولو او د شپږو لوبغاړو په سوځېدو سيالې لوبډلې ته د ۲۱۳ منډو هدف وټاكه، چې له ډلې يې جاوېد احمدي ۸۱ او ګلبدين نايب ۴۱ ناسوځېدلې منډې جوړې کړې.
    د ويسټ انډيز د كركټ ملي لوبډله ونه توانېده، چې ياد هدف ته ځان ورسوي، د ۴۴ اعشاريه ۴ اورونو په لوبولو او د ټولو لوبغاړو په سوځېدو يې ۱۴۹ منډې جوړې کړې او لوبه يې د ۶۳ منډو په توپير افغان ملي لوبډلې ته وبايلله.
    د كركټ ملي لوبډلې په توپ اچوونکو كې راشد خان اووه، دولت ځدراڼ دوه او ګلبدين نايب يو لوبغاړى وسوځاوه.
    د لوبې غوره لوبغاړى راشد خان وټاکل شو.
    د يادونې وړ ده، چې تر دې مخكې د افغانستان او ويسټ انډيز ترمنځ د درېيو شل اوريزو لوبو لړۍ د ويسټ انډيز په ګټه پاى ته رسېدلې وه.

    دنظر څرګندونه خبري اتري
    د Facebook له لاری څرګندونید Sputnik له لاری څرګندونی