په ژوندی پڼه خپرونه
    افغانستان: په نظام کې پنځم ستون شتون نه لري

    افغانستان: په نظام کې پنځم ستون شتون نه لري

    © AFP 2017/ ROBERTO SCHMIDT
    افغانستان
    لنډه بریښنا پته ترلاسه کړی
    0 85 0 0

    د افغانستان د ملي امنیت اداری مشر محمد معصوم ستانکزی وایي چې په نظام کې پنځم ستون شتون نه لري بلکه تول سیاسی رقابتونه دی.

    همدارنګه د مشرانو جرګې مرستیال محمدعالم ایزدیار افغان‌حکومت ته خبرداری ورکوي، که چېرې د کابل چاودنې او له هغې وروسته پیښې ونه څیړل شي نو ناوړه پایلې به ولري.

    هغه د مشرانو جرګې په نننۍ (یکشنبې ۱۸ جون) عمومي غونډه کې، چې د غونډي مشري يې هم کوله پر حکومت سختې نیوکې وکړلې.

    مشرانو جرګې نننۍ عمومي غونډې ته د ملي امنیت رییس محمد معصوم ستانکزی، د کورنیو چارو وزارت معین او د کابل ګارنیزیون یو چارواکی په کابل کې د وروستیو ځانمرګو بریدونو او پر معترضینو د ډزو په اړه د ځواب ویلو له‌پاره وربللي وو.

    غونډه کې یو شمیر سناتورانو پر امنیتي مسوولینو سختې نیوکې وکړي او له حکومته يي وغوښتل چې کابل ښار کې درنه چاودنه او له هغې وروسته پیښې په هر اړخیزه توګه وڅیړي.

    په کابل کې له درنې چاودنې وروسته یو شمېر کسانو لاریون وکړ چې بیا وروسته دغه لایون په تاوتریخوالي واوښت او د پولیسو او معترضینو ترمنځ نښتو کې ۶ کسان ووژل شول او شاوخوا ۳۰ نور ټپیان شول.

    حکومت ژمنه وکړه چې په دې اړه به ټول اړخیزې څیړنې وکړي.په وژل شویو کې د محمد علم ایزیار زوی هم وو چې د جنازې په مراسمو کې یې ځان مرګه بریدونه وشول او مرګ ژوبله یې پرځای پرېښوده.

    لويې څارنوالۍ چې د دې پیښو د څیړنې مسوولیت پرغاړه لري په دې اړه یې تراوسه د کابل ګارنیزیون قوماندان ګل نبي احمدزي او د کابل امنیه قوماندان جنرال حسن شاه فروغ دندې ځنډولې دي.

     

    دنظر څرګندونه خبري اتري
    د Facebook له لاری څرګندونید Sputnik له لاری څرګندونی